Аçтахар Плотников: Черкесов хуравӗ

Аçтахар Плотников28.03.2015 21:233974 хут пӑхнӑ

Тӑван чӗлхе кунӗ ячӗпе эпир — Чӑваш халӑх сайчӗ — уҫӑ ҫыру ҫырнӑччӗ. Черкессов ячӗпе. Вулайманнисем унпа кунта паллашма пултараҫҫӗ.

Хайхи ӗнер Раҫҫей Почти ман пата Черкесов хуравне ҫитерчӗ. Ак ҫапларах вӑл пулчӗ:

Шупашкар хула администрацийӗнче чӑвашла пӗлекенни ҫук пулас, ҫавӑнпа та вырӑсла пӗлменнисем валли хамах куҫарса парам:

Хисеплӗ Николай Алексеевич!
Чӑваш чӗлхине хисеплесси пирки ҫырнӑ Сирӗн ҫырӑва (2015, 02, 25 числара илнӗ П-126№) Шупашкар хулин депутатсен пухӑвӗн вырӑнти хӑйтытӑмлӑхпа депутатсен этикин яланхи комиссине пӑхса тухма кӗртнӗ.

Мӗнле пӗтӗмлетӳ туни пирки Сире каярах хушса хуравлӑпӑр.

Шупашкар хулин Кӑлави Л.И. Черкесов.

Мӗнех, Черкесовран тепӗр ҫыру кӗтме тивет ӗнтӗ. Чи кӑсӑкли — чӑн та пӑхса тухӗҫ-ши? Хулари баннерсене чӑн та икӗ чӗлхепе ҫырма тытӑнӗҫ-ши? Кӗтӗпӗр, курӑпӑр.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (9)]

Комментари:

Agabazar // 2628.52.2553 2015.03.28 21:42
	<<вырӑсла пӗлменнисем валли>> Мĕншĕн вырăсла пĕлменнисем валли кăна тата? Ыттисем чăвашла вуласшăн мар-им? Эп ăнланнă тăрăх, янă çыру чăвашла пулнă, хуравĕ — вырăсла.
Аçтахар Плотников // 1532.38.0130 2015.03.28 22:02
	Иккӗмӗш ҫырӑвне тен чӑвашлах куҫарса парӗҫ :)
Agabazar // 2628.52.2553 2015.03.28 22:35
	Темле çав. Кунта вĕт ĕç чăвашла çырма ÿркеннинче çеç мар. Пĕлекенни çуккинче те мар. Чăвашла хуравлани вĕсемшĕн вăйсăрлăха палăртни шутланать.
Ют Ҫын // 2945.91.5289 2015.03.29 14:12
	Agabazar е санӑн Ӗҫчешӳ, сирӗн Черкесов патне чӑвашла хуравсем тӑратма каймаллах. малтанласа тӳлевсӗр, кайран вара-укҫаллах.
Галина Никитина // 2096.33.4437 2015.03.29 16:53
	Ара, ара. Тен, хуравлĕç те-и чăвашла... (((
Ула курак // 3324.04.5584 2015.03.29 18:08
	Гражданину Плотникову тени пӗртак шухӑшлаттармарӗ-и? Этикет тӑрӑх хула влаҫӗн ҫынна апла каласа чӗнмелле мар. Гражданин эсир прокуроршӑн е полицишӗн. Черкесовпа депутатсен хуравӗ вырӑсла пуласси вара пӗр иккӗленӳ те ҫук
Agabazar // 3849.36.6173 2015.03.29 22:31
	Гражданин вăл Прокуроршăн çеç мар, ыттисемшĕн те гражданинах. Кунашкал çырусене, вăл шутра Прокурорпа Полицмейстертан тухаканнисене те, "Уважаемый Константин Макарович.... " тесе пуçлаççĕ пек туйăнать. Танлаштарса, тĕрĕслесе пăхăр. Кунта та çаплах вĕт!
Атила // 3913.58.4645 2015.03.30 11:22
	Черкесов патне халиччен никкам та чӑвашла ҫырман.Ни конгресс,ни Юхма.Уйрӑмах мӗн те пулин ыйтса ҫырнӑ чух.Пурте вырӑсла вӗреннӗ.Сакукун вӗсен енче.Ухмаха ан перӗр-теҫҫӗ пуль.
петр // 5059.3.5746 2015.04.01 18:14
	Ҫӗршер-ҫӗршер пин чӑвашсем ҫӗршыва хӳтлесе патриотла вӑрҫӑра ҫамрӑк пуҫӗсене хураҫҫӗ тата ӗҫлеҫҫӗ. Темшӗн патриот пулма вӗрентекен чӑваш шкулӗсене хупаҫҫӗ, хӑйсем пуҫлӑхсем патриот тӗслӗхӗсене хирӗҫ пырса. Автомат салатса пуҫтарнипе кӑна патриот пулаймӑн. Тӑван чӗлхе упраса хӑварма та майсем тупмалла (чӑваш гимназисем,5-6 урок тӑван чӗлхепе тӑван литература т.ы.т.).Чӑваш ен сакунлӑ хӑй хӳтӗлемелле хӑй чӗлхине. Унсӑр пуҫне СССР-не салатнӑ пек ку ҫӗршывне те салатаҫҫӗ.