Аçтахар Плотников: Ҫӗмӗрлесем Вырӑс литературин ҫулталӑкне ирттересшӗн

Аçтахар Плотников29.07.2014 12:295355 хут пӑхнӑ

Ман хыпарҫӑсем ҫак хыпара куҫарса панӑ хыҫҫӑн ҫуралнӑ шухӑш.

Ҫӗртмен 12-мӗшӗнче Путин хушу алӑ пуснӑ — 2015 ҫула Литература ҫулталӑкӗ пек ирттересси ҫинчен. Паян вара Ҫӗмӗрле районӗнчи вӗренӳ, спорт тата ҫамрӑксен политикин пайӗ район сайтӗнче ҫакӑн пирки хыпар вырнаҫтарнӑ, анчах темшӗн ӑна «Вырӑс литературин ҫулталӑкӗ» тесе ят панӑ.

Чулхула облаҫне куҫас шухӑшлӑскерсем Раҫҫей нумай нациллӗ пулни пирки маннӑ пулас, вӗсемшӗн литература текенни те пӗр вырӑссен кӑна пулма пултарать, пирӗн кӳршӗллӗ вырнаҫнӑ халӑхӑнне кӑна пропагандӑламалла пулать. Литература енчен вара пирӗн чӑвашсен те мухтанмалли сахал мар.

Тӗрӗссипе, тен, сӑлтавӗ пачах урӑххинче? Чӑн та, вӗсен хыпарӗн пуҫелӗкне шыраса пӑхсан чылай сайтра ҫак ҫулталӑка «Вырӑс литературин ҫулталӑкӗ» тесе ят панине тупма пулать. Ҫӗмӗрлесем вара нумай аппалас теменрен ҫавсенчен пӗрине илнӗ те хӑйсем патне вырнаҫтарнӑ ӗнтӗ.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (2)]

Ҫавӑн пекех пӑхӑр

2024.10.23

Ҫеҫпӗл манӑн пурнӑҫра

Виталий Станьял

Комментари:

Agabazar // 2217.50.1470 2014.07.29 13:32
	Мускавра çÿç касма хушсан Çĕмĕрлере пуç касма тытăннă Çапларах пулса тухать... Çĕмĕрлесене "хастар, хастар" текелеççĕ, чăннипе вара ав еплерех "хастарлăх" кăтартаççĕ иккен... Шел.
Agabazar // 3196.83.9246 2014.08.17 15:47
	Кунта ĕнтĕ леш Фрейд асатте каланă пек пулса тухать.