: ЧӐВАША ВӖРЕННӖ ҪЫНСЕМ ПӖТЕРЕҪҪӖ!!!

27.02.2011 23:2365028 хут пӑхнӑ

Ҫамрӑк чухне те мана ҫак ыйту канӑҫ паман: мӗншӗн ЭПИР, ХАМӐРА ХИСЕПЛЕКЕН МАТТУР ЧӐВАШСЕМ , вырӑсланса пыратпӑр??? Тен, эсир пӗлетӗр? Камран кӑна ыйтмарӑм, кампа кӑна кун пирки канашламарӑм, анчах та хуравӗ ҫук темелле. Ҫак ыйту ҫине хурав тупаймасан тӑван халӑхӑмӑрӑн пуласлӑхӗ пирки калаҫма йывӑр. Пирӗн халӑх ЧИРЛӖ. Чире юсама тӗрӗс диагноз лартас пулать. Унсӑррӑн сыватма хӗн. Хӑвӑрӑн шухӑшӑрсене ҫырӑр тархасшӑн. Тавлашура чӑнлӑх ҫуралать.

Ман шутпа, пӗтӗм айӑп – вӗреннӗ ҫынсенче. Вӗсем тӑрӑшнипе эпир пӗтетпӗр. Хамӑн шухӑша ҫирӗплетме историрен темиҫе тӗслӗх те илсе пама пултаратӑп: вырӑссем французланни, пуҫлӑхсем ашшӗ-амӑш тӗнне манса ют религие халӑх хушшинче сарни…

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (188)]

Комментари:

Акулина // 4048.75.9245 2011.05.19 15:45
	Çамрăк чух вырăсла калаçакан чăваша качча тухса райцентрта пурăннăччĕ. Ачасем те мана мама тетчĕç, вырăсла калаçатчĕç. Мĕнле япăх туяттăм хама çавăн чухне. Упăшкаран уйрăлсан ятарласах чăваш ялне пурăнма куçрăм. Ачасене хама анне теме вĕрентрĕм, чăвашла калаçтара пуçларăм.
Силюка Валери // 1437.98.2811 2011.05.22 10:37
	Пирĕн поселокра азербайджанецсем пурăнаççĕ,ачисем пĕчĕкренех хăйсен чĕлхипе калаçаççĕ,вырăсла та питĕ аван пĕлеççĕ. Ачасене кильтех калаçма вĕрентмелле,вырăсла халь вĕсем вĕрентмесен те вĕренеççĕ,кунĕн-çĕрĕн телевизор тата интернет. Чĕлхене арпаштарасран та хăрамалла мар,каярахпа хăнăхаççĕ
Елена // 2666.09.2156 2011.05.23 09:12
	Тĕрĕс калатăн, мĕн ачаран тăван челхепе калаçтармалла. Хамăн ачасемпе килте перре те вырăсла калаçман. Пепкемсем 5,7 çулта кăна пулин те ик чĕлхпе те хутăштармасăр ирĕклĕн калаçаççĕ. Предложенисене те тĕрĕсех йĕркелеççĕ.
Елена // 2666.09.2156 2011.05.23 09:16
	Ман ачасемпе ял халахĕ вырасла калаçма тăрăшни пашăрхаттарать. Паян кун та, çĕр хутчен асархаттарнă пулин те, ман умрах вырăсла калаçни тарăхтарать те.
Пуян // 2777.25.4013 2011.05.24 06:22
	Пуçлăхсем чăвашла калаçмасан халăх чĕлхене хисеплеме пăрахать.
Елена // 2666.09.2156 2011.05.25 16:28
	Вĕреннĕ маттур чăн-чăн чăвашсем, сăварсем, пăлхарсем! Сирĕн пурин те тенĕ пекех паллă чăвашсем çинчен тата чăвашлăхпа çыхăннă видеоматериал пурах. Тен, эсир ман пек вĕсене интернета мĕнле вырнаçтармаллине пĕлместĕр. Паянхи кун çак ĕçе туса пыни питĕ пĕлтерĕшлĕ тесе шухăшлатăп. Камран пулăшу ыйтмалла-ши? Интернет урлă пире тĕнче курать. материалĕ вара çукпа пĕрех.
Атл // 2733.78.3613 2011.06.08 00:48
	Пĕтермеççĕ - сĕтĕреççĕ...Лебедь(?), рак($),щука(?)
Тайр // 1039.08.8067 2011.06.10 19:07
	Атл. Эсĕ каллех хăвăн юрруна пуçлатăн?Мĕн каласшăн пултăн?
Элпи // 2666.09.2156 2011.06.15 09:28
	Тĕлĕнмелле. Эпĕ нумаях пулмасть Чăваш енре пĕртен-пĕр чăваш япали тупса илме пултартăм(кĕнекесемпе хаçатсене илмĕпĕр)- "Хĕвел" ятлă туалетная бумага. Унсăр пуçне пирĕн хамăра ятăн чăвашли нимĕн те çук-и?
Атлбулгар // 2083.21.0061 2011.07.21 04:59
	Кам мĕн шырать - çавна тупать.. Чăвашăн пыл пур, ĕçчен АЛЛИ пур - ПУРТЕ ПУЛАТЬ!! Ку таранччен упраннă чĕлхе - ĕмĕр пулать! Ан кулянăр - ял(çĕр) халăха çăлать!