Аçтахар Плотников: Ват пичи

Аçтахар Плотников02.12.2010 19:563926 хут пӑхнӑ

Ку сӑнӳкерчӗкре ман тӑвансем сӑнланнӑ: Ват пичи (Михаил Васильев) тата унӑн икӗ хӗрӗ. Сулахайри — Вера, сылтӑмри — Тоня. Пӗчӗккӗ чухне вӗсем патне нумай ҫӳренӗ ӗнтӗ, анчах асӑмра нимӗн те юлман тесен те юрать. Ҫавна май кивӗ сӑнсене куҫ умне кӑларса тӑвансем пирки асилес килет.
Ват пичи пирӗн тӑвансем хушшинче сумлӑ шутланать — вӑл Ҫатракасси патӗнчи ҫӑван пуҫӗ пулать. Шӑп та вӑл пирӗнтен уйрӑлса кайнӑ чухне ҫав ҫӗнӗ ҫӑвана уҫнӑччӗ. Шутлаттӑмӑрччӗ ун чух — ҫӗнӗ ҫӑвана ӑна пытарӗҫ, е киввине, Алькеш ҫӑвине... Ҫӗнӗ ҫӑвана пытарсан — ҫӑва пуҫӗ пулса тӑрать-ҫке. Апла хисеплесе пурне те ҫӗнӗ ҫӑва пуҫӗ тумаҫҫӗ... Ҫапах та ӑна ҫӗнӗ ҫӑвана пытарчӗҫ.
Килте эпир Ват пичи теттӗмӗр те мӗн ятлине ыйтман та. Миҫе хут пулнӑ пулӗ вӗсем патӗнче — ятне ыйтман. Ват пичи те ват пичи... Халӗ ятарласа аннерен ыйтрӑм — Михаил Васильев иккен, ялта ӑна Ваҫҫа Михали тенӗ. Вӑл ман кукаҫин (Васильев Степанӑн) шӑлни пулать.
Тӑвансене манас марччӗ. Шел те хӑнана ҫӳреме вӑхӑт тупма питӗ йывӑр...

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле]