Сайта кӗр | Регистраци | Сайта кӗрсен унпа туллин усӑ курма пулӗ
 +21.0 °C
Ҫӑкӑртан асли ҫук.
[ваттисен сӑмахӗ]
 

Ҫавалкасси патӗнче самолёт персе анни

Ҫавалкасси патӗнче самолёт персе анниВӑрнар районӗнчи Ҫавалкасси ялӗ патӗнче пулса иртнӗ сывлӑшри пӑтӑрмах.

Самолёт Омскран Мускава вӗҫнӗ, унӑн борт номерӗ 86601002. Вӑл хӑй вӗҫевне Пекинра пуҫланӑ пулнӑ.

Пулӑм

«Аэрофлотӑн» Ту-104А самолёчӗ Ҫавалкасси ялӗ ҫывӑхӗнчи «Апнерка» чукун ҫул платформи ҫывӑхӗнче 1958 ҫулхи юпан 17-мӗшӗнче 21 сехетре персе аннӑ.

Мускава вӑл вӑхӑтра тӗтре карса илнӗ пулнӑ, ҫавна пула самолёта унта ларма ирӗк паман. Ҫывӑхри Чулхула аэропорчӗ те ӑна йышӑнайман, ҫавӑнпа та Хусанти диспетчер Свердловска (халӗ Екатеринбург) вӗҫме хушнӑ. 10 000 метр ҫӳллӗшӗнче самолёт Свердловск еннелле ҫаврӑнма пуҫланӑ. Шӑп та лӑп ҫак вӑхӑтра самолёт хӑпаракан турбулентлӑ юхӑма лекнӗ — 13 000 м таран хӑпарнӑ хыҫҫӑн хӑвӑртлӑхне ҫухатса ӳкме пуҫланӑ.

Ҫӗр таран 2 000 м юлнӑ хыҫҫӑн экипаж самолёт траекторине кӑшт тӳрлетнӗ, анчах та вӗҫев аппарачӗн ҫитменлӗхӗсем пуррине пула (ҫӳллӗш рулӗн хочӗ сахал пулнӑ) инкекрен тухайман.

Самолёт ӳкнине ҫывӑхра вӗҫекен 1904 борт курса юлнӑ.

Ӳкнӗ вӑхӑтра экипаж диспетчерсене самолётӑн параметрӗсене пӗлтерсех тӑнӑ. Кайран, вӗсене шута илсе самолётӑн ҫитменлӗхӗсене тӳрлетме пултарнӑ.

Ҫынсем

Самолётра пурӗ 73 ҫын пулнӑ — экипажри 8 ҫын тата 65 пассажир. Вӗсем пурте вилнӗ.


 
 
Статья каҫми :: Пичет версиӗ

Admin тӳрлетнӗ, информацие 2014-10-17 11:00:36 вӑхӑтра улӑштарнӑ. 4638 хут пӑхнӑ.
Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org