Чӑваш академи драма театрӗн сӑнӳкерчӗкӗ

К.В. Иванов ячӗллӗ Чӑваш патшалӑх академи драма театрӗнче аса илӳ кунӗ иртнӗ. Мероприяти паян, юпа уйӑхӗн 28-мӗшӗнче, кӑнтӑрла пулнӑ. «Ӗмӗре ҫутатакан шӑпасем» ят тесе куҫарнӑ ӑна. Вырӑсла ячӗ вара — «Судьбы, озаряющие век».

Унта пухӑннисем чӑваш сценин пултаруллӑ тӑватӑ ӑстине аса илнӗ. Вӗсем: Валериан Лебедев, Григорий Филиппов, Иван Краснов, Петр Медиков.

Сенкер фойене пухӑннисем асӑннӑ ҫынсем чӑваш ӳнерӗнче епле йер хӑварни пирки аса илсе калаҫнӑ.

Сӑмах май каласан, асӑннӑ театрта унччен ӗҫленисене асра тытас ырӑ йӑла пур. Пурнӑҫран тахҫанах уйрӑлса кайнисен вил тӑприсем ҫине те кайса килеҫҫӗ. чечек хураҫҫӗ, сӑвӑ вулаҫҫе, пӗрле ӗҫленисем вара театрта пӗрле ирттернӗ кунсене аса илеҫҫӗ.

#астӑвӑм, #театрсем, #Шупашкар, #пултарулӑх