«Хыпар - Вести Чувашии» макс-канал пӗлтернӗ тӑрӑх Красноармейски округӗнчи Мӑн Шетмӗ ялӗнче йӑлана кӗнӗ спорт ӑмӑртӑвӗ иртнӗ. Вӑл – тӗнче класлӑ спорт мастерне Сергей Афанасьева халалланӑ ҫӑмӑл атлетика турнирӗ. Ӑмӑртӑва 1996 ҫултанпа кашни ҫул ирттереҫҫӗ.

Кӑҫал старта Красноармейски, Ҫӗрпӳ, Элӗк округӗсенчи, Канаш хулинчи 50 яхӑн ҫӑмӑл атлет старта тухнӑ.

Малти вырӑнсене йышӑннӑ спортсменсене дипломсемпе тата медальсемпе чысланӑ.

Ку ӑмӑрту – Сергей Афанасьев хӑй пуҫарнӑ йӑлана малалла тӑсни. Палӑртса хӑварар: вӑл – Европа чемпионачӗн кӗмӗл призерӗ, Раҫҫей Кубокӗн виҫӗ хут ҫӗнтерӳҫи тата пӗтӗм тӗнчери «Гран-при» ҫӗнтерӳҫи.

#спорт, #ӑмӑртусем, #Красноармейски районӗ, #Мӑн Шетмӗ, #Элӗк районӗ, #Ҫӗрпӳ районӗ, #Канаш, #спортсменсем