vk.com/gov_cap_ru сӑнӳкерчӗкӗ

Ӗнер, нарӑс уйӑхӗн 2-мӗшӗнче, Чӑваш Республикин тава тивӗҫлӗ тренерӗ Геральд Салдимиров 70 ҫул тултарнӑ.

Геральд Прокопьевич биатлон енӗпе хӑй вӑхӑтӗнче Чӑваш Ен чемпионӗ ята тата Атӑлҫи тӑрӑхӗнчи регионсен хӗллехи спартакиадинче бронза медале тивӗҫнӗ.

Муркаш районӗнчи Мӑн Сӗнтӗрти вӑтам шкулта вӗреннӗ чухне йӗлтӗр секкцине ҫӳренӗ. 1993 ҫулта Челябинскри физкультура институтӗнчен вӗренсе тухнӑ.

Халӗ вӑл Шупашкарти 2-меш Олимп резеврӗн спорт шкулӗнче тӑрӑшать. Геральд Прокопьевич 10 ытла Раҫҫейӗн спорт мастерне вӗрентсе каларнӑ, вӗсен йышӗнче тӗнче, Европа чемпионӗсемпе Олимп вӑййисен ҫӗнтерӳҫисем пур.

#саламсем, #юбилейсем, #спорт, #спортсменсем, #Челябинск, #Муркаш районӗ, #Мӑн Сӗнтӗр, #шкулсем, #тренерсем, #биатлон