Патшалӑх автоинспекцийӗн сайтӗнчи сӑн

Паян 15 сехет ҫурӑра Патӑрьел округӗнче авари пулнӑ. Унта арӑмӗпе упӑшки вилнӗ.

Малтанлӑха пӗлтернӗ тӑрӑх, «Митсубиси Паджеро» машинӑри 52-ри водителӗ йывӑр тиевлӗ машинӑран иртсе каяс тесе хирӗҫ ҫул ҫине тухнӑ та каялла хӑйӗн ҫулӗ ҫине кӗрсе ӗлкӗреймен – «Датсунпа» ҫапӑннӑ. Унта вара арӑмӗпе упӑшки пулнӑ. Иккӗшӗ те 1970 ҫулта ҫуралнӑскерсем, Тутарстан ҫыннисем. Вӗсем ҫавӑнтах вилнӗ. «Митсубиси» водителӗ аманнӑ, ӑна больницӑна илсе кайнӑ.

Халӗ ӗҫ-пуҫа малалла тӗпчеҫҫӗ.

#пӑтӑрмахсем, #ҫул-йӗр, #Патӑрьел районӗ