«Контактра» халӑх ушкӑнӗнчи «Чӑваш Республики» пабликран илнӗ сӑнӳкерчӗк

Вӑрнар районӗнчи Нурӑсри шкул-интернатра пуҫламӑш класс ачисене вӗрентекен Галина Захарова ҫамрӑксен туризмне аталантармалли конкурсра ҫӗнтерсе «Мускав – Раҫҫейӗн технологи тӗп хули» тура тивӗҫнӗ.

Ҫул ҫӳрев вӑхӑтӗнче Галина Николаевна истори палӑкӗсемпе, Мускавӑн хальхи вӑхӑтри ҫитӗнӗвӗпе паллашнӑ. Хӗрарӑм Криптографи музейӗнче пулса информацие хӳтӗлес ӗҫри ҫӗнӗ технологисем пирки пӗлнӗ. Роботсемпе интерактив занятийӗсене хутшӑннӑ, искусство ӑс-тӑнӗ енчен наука мӗн тери вӑйлӑ аталаннинчен тӗлӗннӗ.

Галина Захарова ВДНХ паркӗнчи архитектура сооруженийӗсене те килӗштернӗ. Европӑри пысӑк океанариумсенчен пӗринче, «Москвариумра», пулнӑ.

#Нурӑс, #Вӑрнар районӗ, #ҫулҫӳревсем, #вӗрентекенсем, #культура, #Мускав