t.me/gibdd121 сӑнӳкерчӗкӗ

Кӗҫӗр Каҫал тӑрӑхӗнче ҫул ҫинче инкек пулса иртнӗ. Ҫул-йӗр хӑрушсӑрлӑхӗн инспекторӗсем малтанласа палӑртнӑ тӑрӑх, ҫула тухнӑ пӗр машина водителӗ ҫывӑрса кайнӑ та хирӗҫ килмелли ҫул ҫине тухса кайса тепӗр машинӑпа ҫапӑннӑ.

«Audi» автомобиль рульне 22 ҫулти каччӑ тытса пынӑ. 1 сехет те 44 минутра вӑл А-151 ҫул ҫинче хирӗҫ килмелли ҫул ҫине тухса кайса «ВАЗ-2114» автомобильпе пырса ҫапӑннӑ. Хамӑр ҫӗршывра туса кӑларнӑ автомобилӗн 30 ҫулти водителӗ вилнӗ тата 33-ри пассажир йывӑр аманнӑ.

#Комсомольски районӗ, #сывлӑх, #машинӑҫем, #ҫул-йӗр, #пӑтӑрмахсем