sli24.ru сӑнӳкерчӗкӗ

Шупашкар хулинче пурӑнакан пӗр хӗрарӑм ӗҫе вырнаҫсан та ӗҫсӗрлӗх пособине илсе тӑнӑ.

Ӗҫпе тивӗҫтерекен центра вӑл 2022 ҫулхи утӑ уйӑхӗнче учёта тӑнӑ. Унта ҫав ҫулхи раштав уйӑхӗччен тӑнӑ чухне 50 пине яхӑн тенкӗ пособи илсе тӑнӑ. Кӑштахран вӑл ӗҫе вырнаҫнӑ, анчах центра ҫавӑн пирки пӗлтермен. Центртан илсе тӑнӑ пособи, пӗр енчен, ытла пысӑк суммах та мар. Ҫапах ун пек хӑтланма юрамасть.

Пӑтӑрмаха прокуратура тупса палӑртнӑ. Вӑлах тӗрӗслев материалӗсене право хуралӗн органӗсене пуҫиле ӗҫ пуҫарма ярса панӑ.

#пӑтӑрмахсем, #ӗҫ вырӑнӗсем, #укҫа-тенкӗ, #пуҫиле ӗҫсем, #ултав