ЧР Элтеперӗ Михаил Игнатьев Питӗре ӗҫпе кайсан пульницӑна кардиологи уйрӑмне лекни пирки хыпарланӑччӗ. «Про Город» хаҫатра ҫырнӑ тӑрӑх, Михаил Васильевича операци тунӑ. Кун пирки кӑларӑма халӑх корреспонденчӗ хыпарланӑ.

Михаил Игнатьев операци хыҫҫӑн хӑйне лайӑхах туять. Паян Юрий Шакеев Питӗре Элтепер патне пульницӑна кайнӑ-мӗн. «Элтепер операци хыҫҫӑн хӑйне лайӑхах туять. Вӑл кардиологи уйрӑмӗнче выртать», - ҫырнӑ вӑл.

Михаил Васильевич утӑ уйӑхӗн 31-мӗшӗччен отпускра пулӗ. Унӑн тивӗҫӗсене ЧР Министрсен Кабинечӗн председателӗ Иван Моторин пурнӑҫлӗ.

#политика, #Элтепер, #Питӗр, #пульницӑсем