Тӗрлӗ вӑрҫӑ-харҫа хутшӑнса сусӑрланнисене хушма социаллӑ пулӑшу парӗҫ. Ҫакӑн ҫинчен республика Элтепӗрӗ Михаил Игнатьев Хушу кӑларнӑ. Вӑл Афганистанра тата Анголӑра, Чечняра тата Ҫурҫӗр Кавказра, Кӑнтӑр Осетинче тата Абхазинче ҫар тивӗҫне пурнӑҫланӑ чухне сусӑрланнӑ ҫынсене пырса тивет. Паян вӗсем Чёваш Енре 115-ӗн. Указпа килӗшӳллӗн республика хыснинчен 3-мӗш ушкӑнри инвалидсене уйӑхсерен 500 тенкӗ, 2-мӗш ушкӑнрисене 700 тенкӗ, 1-мӗш ушкӑнрисене 900 тенкӗ хушса тӳлӗҫ.

#вӑрҫӑ, #хушусем, #пулӑшу