Сутатӑп Уйăхри пăру сутатăп.Хакĕ килĕшсе татăлнипе.
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Пӗлтӗр, 2010 ҫулта, эпир шкул ачисемпе вӗрентекенсем хушшинче «Урхамахсем тӑраҫ тапӑртатса...» литература ӑмӑртӑвне ирттерсеччӗ. Ирттертӗмӗр кӑна мар, питӗ лайӑх чысларӑмӑр пек.
Ӑмӑртӑва пуҫлас умӗн каласа хӑварнӑччӗ ӗнтӗ — хайлавсене кӗнекен кӑларма тӑрӑшӑпӑр. Ҫак ӗҫе пурнӑҫлама пире ачасен ӳкерчӗкӗсем кирлӗ. Ҫавна май эпир шкул ачисем хушшинче «Лаша сӑнарӗ хут ҫинче» ятлӑ ӳнер ӑмӑртӑвне пуҫаратпӑр.
Кӗскен: сирӗн «Урхамахсем тӑраҫ тапӑртатса...» литература ӑмӑртӑвне ярса панӑ ӗҫсем хушшинче эпир суйланӑ хайлавсенчен (PDF, вӗсене хулӑм шрифтпа уйӑрнӑ) пӗрине илмелле те ун тӑрӑх ӳкерчӗк тумалла. Хайлавӗсене кунта тупма пулать. Ӳкерчӗке кӑранташпа, гуашьпе тумалла, тӗс нумай пулмалла мар (хура-шурӑ пулсан та ҫитет). Ӗҫе пуш уйӑхӗн 25-мӗшччен ярса памалла.
Ку ӑмӑртӑва хутшӑннӑшӑн ӗнентерӳ хучӗ, сертификат, грамота тавраш памастпӑр. Вырӑнсем те палӑртмастпӑр. Пӗр хисеп ҫеҫ пулӗ — пире килӗшнӗ ӳкерчӗк кӗнекере пичетленӗ.
Ӳкерчӗксене эсир сканерласа p-code@mail.ru адреспа ярса пама пултаратӑр. Почтӑпа ҫитерес шутлисен чи малтан 8-905-193-5-136 (Чулхула облаҫӗ!) карас номерӗпе ҫыхӑнмалла (эпир сире ӑҫта ярса памаллине ӑнлантарӑпӑр). Ҫавӑн пекех, ыйтусем тухсан, маларах палӑртнӑ электрон адреспа ҫыхӑнма пулать.
-1.7 °C
