Мăшăр


«Тус тумашкăн хăрамарăм...»


Тус тумашкăн хăрамарăм,

Чунăма хушса суйларăм,

Хамăр касри сар хĕре.

Тĕлĕкре те шухăшларăм,

Антăхса кайса куçларăм,

Лăш! сурмарĕ яш чĕре.

 

Вăтанса, савса шӳтлерĕм,

«Юратап» теме пĕлмерĕм

Чун суйланă пикене.

Туй пуличченех çӳрерĕм,

Йăлăнтарчĕ — ӳкетлерĕм

Мăшăр пулма кĕркунне.

 

Ĕмĕте кĕç пурнăçларăм,

Савни пулчĕ-тăчĕ арăм.

Тавтапуç ылтăн кĕре!

Ахаль мар ăна юратрăм,

Çĕнĕ çăвăсем çуратрăм,

Чăн-чăн юрату — пĕрре!

Анатолий Ырьят | Сăвă | савни | мăшăр | 431

Шухăшсем