Палтиел

Тăван ялăм, Палтиел

Савнăçпа аса илетĕп,

Палтиелĕм эп сана.

Сан патна вĕçсех килетĕп,

Çунат патăн эс мана.

Хушса юрламалли:

Тăван ялăм, Палтиел,

Ĕмĕр эсĕ асăмра.

Савнă ялăм, Палтиел,

Пулăн ялан чунăмра

Маттур халăх эс ӳстертĕн,

Телей сунса, юратса.

Çитĕнӳ патне çитертĕн,

Ĕçчен çынсем çуратса.

Тĕнчипе сана пĕлеççĕ,

Тĕрлĕ этем пур кунта:

Ав, чăваш, ирçе ĕçлеççĕ,

Тутар, вырăс та унта.

Пуринпе те вĕсем сапăр,

Пĕри тепринчен патвар.

Çурчĕсем те питĕ капăр,

Ĕçленипе шав вăр-вар.

Юлсам эсĕ ĕмĕр сывă,

Яланах хăват парса.

Ӳстер тата хĕр те ывăл,

Пурăнсам ыр ят сарса.

25.10.2010