Сăмах пани

Эс юхан шыв пулса юхса кайсан

Хăва пулса куççуль юхтарăттăм.

Сан умăнта салхуллăн пуç тайса

ĕмĕрĕпех çапла эп тăрăттăм.

Эс килĕшсен, сенкер шурăмпуçчен

Пăхмасăр сăвăсем те вулăттăм.

Шыв çийĕн ишекен çăлтăрсенчен

Хĕвел йышши пуçкăшăль пухăттăм.

Иксĕмĕрте, тен, пĕрлĕх те пурах,

Хура каçри черченкĕ уйăхăм.

Эс хурлансан санран эп хурлăрах,

Сан хуйăху та манăн хуйăхăм.

Пĕлĕтсемпе хĕвелĕм хуплансан

Чуна çапах та сулхăнлатмăттăм,

Эс юхан шыв пулса юхса кайсан

Сана çапах хамран çухатмăттăм.

Çĕнĕ комментари хуш