Манра пурнать çуркунне
Кантăкланнă кăвак куçунтан
Шаккасан та тухмарĕ куççуль...
Пăрланса ларасран сар çуртам
Ăшăтсаччĕ ăна миçе çул!..
...Ăшăмри ăшшăмпа ăшăрха —
Шанчăкна кăларатăп тӳрре!
Тутăхман — çаплипех — тăтăрха.
Пĕр тумлам кăларсамччĕ: пĕрре!
Савнăçпа сăрламашкăн сăнна
Ирĕк пар яланхи йăлапа:
Пирĕнтен кам хуçа, кам хăна
Ӳлĕмрен татса парĕ шăпа.
Пиркепе пăралатăп пăрна:
Кăмăлна хытарма пăрахан!..
Шăтарсан шевлемпе кăкăрна
Пур-пĕрех пулăн ман — тапĕ тан!..
Тапĕ тан — тайăнна тавăрсан:
Ейӳлле сарăлсан туйăму,
Сыпкăншар сыпнипе хунасан
Нихăçан парăнман хăрхăму.
Пытарса пурнакан пăлхавна
Çиеле кăларатăп пĕрех!
Ан хĕрхен-ха — ыйтатăп — хăвна:
Эс хытман-ха, вилмен-ха, чĕрех!
Кантăкланнă кăвак куçунтан
Ывăнмасăр шаккатăп каллех...
Çăхавсен йăлхахне çурмаран
Çурса тăкĕ тасалăх халех!..
...Тан тапать?!.. Тан тапать! Таппăмпа
Танлашса хăвалать сулăмне
Чĕм кĕртсе ĕмĕте, çулăмпа
Хĕллене çĕнтерет çуркунне.
Шухăшсем
Boost your Chuvash website’s traffic wit...
Attract more leads for your chuvash...
Ready to drive targeted visitors to your...
Повысьте эффективность своего производс...
Is low website traffic holding you back?...
Struggling to get the right visitors to ...
Struggling to get targeted leads to your...
Лазерный уровень легко помещается в су...
Повысьте эффективность своего производс...
Лазерный уровень легко помещается в су...