«Ĕнерпе нерпе ырана сыпакан паяна...»
Ĕнерпе нерпе ырана сыпакан паяна
Якатма, тӳрлетме те тухманччĕ —
Тумхахпа, кукăрпа иртене-каяна
Самана тишкермесĕр ямасть-çке...
Тĕрĕслеççĕ, эппин — çакăнпа çырлахма
Вăй-хăватăм, ăс-тăнăм та пурччĕ...
Шутламан парăнма, пăрăнма, пăрахма —
Çулташсем, хирĕçлем — пурте курчĕç...
Юрлă чух — юрттăмпа, ăшă чух — ашăмпа
Çумрине айтарса пыраканччĕ.
Савнăçпа-нушапа тулакан çăкăмпа
Пайланмасăр утма хăяйманччĕ...
Сывлăша çавăрма чарăна-чарăна
Ĕмĕте ĕмĕртсе лăпланаттăм.
Такăнсан тăратса çитмелли вырăна
Такам мар — хăвалатчĕ хăватăм.
Улшăнман унтанпа — ӳкĕнмесĕр утма
Хăнăхса пынăçемĕн вăйлантăм.
Хăрамастăп текех пуррине çухатма —
Тепĕр чух кирлĕрех те, ăнлантăм.
Пулмалли — пулатех, пӳрменни — пӳкленет.
Ытлашши — тăхтамасăр — çухалĕ.
Çавăнта... çаплипех чĕнекен çут кĕтрет —
Ан астар — çаврăнмастăп та халĕ.
Шухăшсем
Наш квалифицированный военный юрист всег...
Need more clicks and conversions for Chu...
Our AI-powered traffic solution delivers...
Ready to drive targeted visitors to your...
Hello everyone, if you are interested i...
Aiming to ignite your website’s p...
Опытные эксперты предоставят вам полную ...
Аван ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...