«Лăскарĕ Кун сана каллех...»

Мальвина Петрова | Сăвă | 552


Лăскарĕ Кун сана каллех:

Тӳсмелĕх вăй юлман пекех,

Курас-илтес килмест текех,

Тарса ӳкес килет — халех!...

 

Чăтса ирттернĕ пек терте...

Сӳсленнĕ пур-пĕрех кевте1,

Исленнĕ тăтăрха2 хевте3,

Тавра каймастăн тек — тӳртен!..

 

Хыçра — черетлĕ çĕнтерӳ,

Тӳрре кăларнă ĕненӳ....

Çук чĕптĕм савнăç, ӳкĕнӳ...

Пушаннă пек... пушах чĕрӳ...

 

Тапать-ха вăл, эппин, чĕрех:

Илем, хавал4, артак5 кĕтет...

Çакна туйсах кӳрет сипет

Пĕр сыпкăмпах пылак эрех...

 
1 кевте – ӳт-пӳ
2 тăтăрха — çирĕп
3 хевте – вăй-хал
4 хавал – вăй-хăват
5 артак — ачашлăх

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: