«Пуç тавра сĕрлесе çӳрекен Шухăша…»

Мальвина Петрова | Сăвă | 630


Пуç тавра сĕрлесе çӳрекен Шухăша

Çĕрĕпе çыврайми хăваларăм хамран...

Пуçăмра шăршланса выртакан кăнăша1

Кăларса ывăтман иккенне çак таран

Чухласах тасатмасăр тăратăп ăша:

 

Йăлтăркка ĕмĕтсен катăкне упраса

Чи ачаш туйăмпа сăтăрса тăнăран —

Кастарса суранлатнă пулсан та ăса —

Кăларса ывăтмасăр упратăп тарам2,

Унпалах никама кирлĕ мар намăса3.

 

Эрлĕкпе пӳрленсе хавшакан кăмăла

Шухăшран йăхланса4 амаланнă Сăмах

Сăхнăçем шыçăнса хут сапать тавралла...

Кăларса ывăтатăп! çитет! паянах!

Урăхла пурăнма пур-ха тепĕр хайла5.

 
1 кăнăш – çӳп-çап
2 тарам – сая кайни
3 намăс — совесть
4 йăхлан — ĕрче
5 хайла — ăсталăх

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем