Хăмла çырли

Ман çула мăн кăткă тĕмĕ,

Тен, картларĕ пуль юри:

Шартарать куçа вут-хĕмĕн

Ялкăшса хăмла çырли.

Тутанмасăр епле чăтăн?

Çырла мар, чăн-чăн шерпет,

Чĕлхене пĕр шелсĕр çăтăн,

Май пулсассăн, шеремет.

Темĕн тăршшĕ вăрăм кун та

Хăвăрт иртĕ вăрманта.

Çырлапа йăлт тулчĕ кунтăк,

Тулчĕ манăн кăмăл та.

Тусăмсем, халь хăвăр шутлăр:

Ма çырла шултра та тутлă

Пирĕн хыр вăрманĕнче,

Кăткă тĕмĕ патĕнче?

Çĕнĕ комментари хуш