Астăватăп
Шăпчăксем вăрансан эп тухаттăм
Савнă тусăм, санпа ял хыçне.
Куç илми сан çине эп пăхаттăм
Юрласа юрату юррине.
Сан хĕрӳ тутусен шĕл-кăварĕ
Сĕртĕнетчĕ пите, тутана.
Темшĕн тухнă куççулĕн тăварĕ
Пыл пекех туйăнатчĕ мана.
Сан вĕри аллуна чăмăртаттăм,
Чуптăваттăм кашни пӳрнине.
Тĕлĕкри пек хама эп туяттăм
Ĕненсе эс мана савнине.
Сывлăм ӳкнĕ çаран йăлкăшатчĕ
Ылттăн-кĕмĕл, мерчен çутипе.
Кĕмĕлне çутă уйăх сапатчĕ,
Тухăçра хĕрелетчĕ тӳпе.
Вăтансах ун чухне калаймарăм
Никама та памастăп тесе!
Савнă мăшăр сана тăваймарăм
Юрату хăватне хистесе!
Паян кун та çакна астăватăп.
Манас çук юрату кăварне.
Час-часах тĕлĕкре те куратăп.
Тин ăнлантăм куççуль тăварне.
Шухăшсем
Чылай пулманччĕ капла шухăшлаттаракан, к...
Хыçалтан вулама пуçласа пăх-ха тепринче
Вĕсем вăхăтлăха кăна...
Тĕрĕс калатăр Галина З...
Кунта реклама кĕрсе кайнă, укçа туса илм...
Hey there, Are you still using ch...
Phyllis, do you think they got money for...
Митюк, куçне автан çинчен илмесĕр, ашшĕ ...
Hello, Are you still using chuvas...
Пĕрремĕш йĕркесенченех паллă пулчĕ калав...