Ĕмĕтĕм
Саркайăк пек, пĕрре кăна
Çунатăма сарасчĕ.
Санăн умна хуллен кăна
Вĕçсе пырса ларасчĕ!
Çил ачипе ăмăртмалла
Сар çӳçӳпе вылясчĕ!
Çак юррăма юрла-юрла
Юратнине каласчĕ!
Çăл шывĕ пек шăнкăртатса
Санăн умна туласчĕ.
Сипетлĕ шывăма ăсса
Ĕçсе пăхма парасчĕ!
Çăлкуçăм тĕкĕрĕ çинче
Сана анчах курасчĕ.
Шыв юххипе инçе-инçе
Юнашарах юхасчĕ!
Хĕп-хĕрлĕ кĕлчечек пулса
Сан пахчунта шăтасчĕ!
Сăн-сапатна куллен курса
Вăтанса çеç ларасчĕ!
Сан куçусен авăрĕнче
Яланлăхах путасчĕ.
Юратнă тус ытамĕнче
Ĕмĕрлĕхе юласчĕ!
Черченкĕ юр пĕрчи пулса
Туту çине ларасчĕ.
Пĕр вăтанми хыт чуптуса
Ирĕлсе çеç каясчĕ!
Вĕри чĕрӳ ăшне тулса
Ĕмĕрлĕхе юласчĕ.
Чĕрӳйĕн таппине туйса
Телейлĕ çеç пуласчĕ!
Шухăшсем
План можите пожалуйста написать
Большое спасибо! Это является потрясающ...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!