Хурăнăм

Лидия Ковалюк | Сăвă | хурăн | 614


Эй, турăçăм!

Çурт умĕнчи шап-шурă хурăн,

Ан хăй кăна эс хурланма.

Эс маншăн — чаплă-чаплă юрă,

Пултарас çук сана манма.

 

Эй, турăçăм!

Сана кам çапнă, хăш ăнманĕ?

Куратăп тĕрлĕ çĕвĕсем.

Сана эп ĕмĕрех упранă,

Хайланă çепĕç юрăсем.

 

Эй, турăçăм!

Ман патарах утса килсемччĕ,

Ак умăнтах выртать сукмак.

Ман çинелле пăхса илсемччĕ,

Вăй-хал та çук пуль çав утма?

 

Эй, турăçăм!

Эс утăм турăн та аташрăн,

Ма пăрăнан хăв çулунтан?

Пус сылтăма, халь ак майлашрĕ,

Ак халĕ чиперех утан.

 

Эй, турăçăм!

Тĕнче илемĕ эс. Паратăп

Сана эп хамăн чунăма.

Сана кăваррăн юрататăп,

Кĕрсем, кĕрсем ман çуртăма!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем