Георгий Фомирякова — вышкайсăр пысăк та питĕ хăйнеевĕрлĕ ăсталăхĕ умĕнче пуçăма тайса1

Георгий Фомирякова — вышкайсăр пысăк та питĕ хăйнеевĕрлĕ ăсталăхĕ умĕнче пуçăма тайса

Геракл пек маншăн эс, Гера!..

Çук, «Улăп» тесен тĕрĕсрех!..

Эс ху халăхна йăлт паратăн!

Пĕрре кăна эс Тĕнчере!

Такам та ӳнерçĕ пуласшăн, —

Лексессĕн Илем Тĕнчине,

Анчах та пурне те паман çав

Пĕлсе сăнлама курнине.

Эс ху пĕлнĕ пек пурăнатăн

Çак аслă, чечен Çĕр çинче.

Иртни умĕнче пуç таятăн,

Шутлатăн Пуласлăх çинчен.

Пуян Чăваш Енĕмĕр пирĕн!

Тек ним те хакли çук унран!..

Эс пур та — пушшех пуянрах вăл!

Çакна эп калатăп чунтан!

Геракл пек пул ялан, Гера!..

Çук, «Улăп» тесен, тĕрĕсрех!..

Пĕрре кăна эс пирĕн, тусăм!

Пĕрре кăна эс Тĕнчере!

06.08.2020