Сар чечек

Эпĕ — сап-сарă чечек,

Улăхра ӳсеп чечен.

Кăпăшка ман çеçкĕмсем —

Сап-сара шевле-хĕмсем.

Эпĕ — сап-сарă чечек,

Пит ачаш, хитре, черчен.

Киленетĕп хампа хам.

Илеме сана парам.

Эпĕ — сап-сарă чечек.

Тап-таса çут сывлăм пек.

Çынсене сĕнеп хаваслăх,

Парашютлă ман пуласлăх.

Эпĕ — сап-сарă чечек,

Хĕвел пек çиçетĕп тек.

Чир-чĕртен те эп сиплетĕп,

Сан патна вĕçсе çитетĕп!

Çĕнĕ комментари хуш