Эп вӗрентӗп кушака

Чăтма çук мана саваççĕ,

Пит-куçа, алла çăваççĕ.

Вĕрентеççĕ ир çинче:

— Çи сĕтелĕн хушшинче!

Кушака кӳрентереççĕ,

Ура айĕн çитереççĕ.

Тап-таса урай, шап-шар,

Пурпĕрех вăл сĕтел мар.

Эп вĕрентĕп кушака

Шеп тытмашкăн кашăка.

Çĕн йĕрке килте эп тăвăп

Кушак тяпписене çăвăп.

Чинлăн лартăп ирхине

Çĕн сĕтелĕн хушшине

Çемьемпе апатланма —

Культурăллăн сăнланма!

Пурте пахĕç кантăкран —

Тĕлĕнĕç ман кушакран.

Тĕслĕх илĕç кĕç унран.

Савăнĕ кушак чунран.

Пур кушаксене халь ĕнтĕ

Чыслăн эп çиме вĕрентĕп.

Пурте итлĕç хушнине,

Сăнĕç эсĕр çинине!

Çĕнĕ комментари хуш