«Шăннă кантăк çинче — тĕнче...»

Марина Карягина | Сăвă | 1989 | 328


Шăннă кантăк çинче — тĕнче.

Çĕтрĕм ун ăшĕнче — пĕччен.

Вĕçсĕр çулăм инçе-инçе

Курăнать ту чĕрçи çинчен.

 

Аташатăп. Ăçта çынсем?

Сас памаççĕ ту хырçисем.

Эпĕ çеç тĕнчере пĕччен,

Тĕтреленнĕ уй варринче.

 

Шăпăрт... Куç умĕнче — тĕтре.

Пурнăç — катăлнă кантăк пек,

...Çиçĕм çиçрĕ! татах, тепре.

Çутăл, шанчăкăм ванчăкĕ!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: