Пурнăç кăткăс

Анатолий Ырьят | Сăвă | пурнӑҫ | 388


Пурнăç — кăткăс, килĕшсем, ыр çыннăм,

Иртнĕ кун каялла таврăнмасть.

Тулăх пулчĕ-ши ман иртнĕ кунăм —

Кустăрма та хăш чух çаврăнмасть.

 

Тӳлĕккĕш ан ман, вăл ĕмĕр пайĕ,

Хурçă ункăсемлĕ вăчăра.

Асăрхамасан татăлса та кайĕ…

Тăван пултăр санпа тачăрах.

 

Ратне-хурăнташ пултăр татуллă,

Пурнăç — кăткăс, ыран — тем пулать…

Мĕн тесен те пуплевĕ ыйтуллă —

Ĕмĕр иртет. Тарăн йĕр юлать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем