«Хурлăхпа хуралнă, савнăçпа

«Хурлăхпа хуралнă, савнăçпа — саланнă...»

Хурлăхпа хуралнă, савнăçпа — саланнă...

Мĕн тесе каласшăн — пĕтнĕ калаçса.

Паянтан хĕвел те сивĕтме пуçланă,

Аслати сасси те çиçĕм пек таçта.

Пурнăç пур-тăр, пур-тăр. Иккĕленчĕк мар эп:

Çил ачи сывлать пек... Темĕн ыратать...

Тунсăхпа вилмен-шим йывăçсен тымарĕ? —

Куçăм хĕрхенет пек йĕрмĕш турата.

Хурлăхпа — хуралнă, савнăçпа — саланнă...

Кĕр сăнне вăрлар та пурăнар тату.

Пулнă. Пулнă, çуннă!.. Сӳннĕ — сапаланнă,

Пур пулса курасшăн çуннă юрату.