Эс, эс, эс…

Анатолий Ырьят | Сăвă | 460


Эс — Тивлет, чун тараси те виçеймĕ.

Эс — Чĕкеç, вĕçевре сана çитеймĕн.

Эс — Шерпет, кашăкпа сыпса ĕçеймĕн.

Эс — Хавал, мана юратма ерçеймĕн…

 

Эс — Тĕнче, ытама сана илеймĕн.

Эс — Илем, чĕнсен те хăвăрт килеймĕн.

Эс — Шăпа, ăраскалăм пурах манăн.

Эс — Шевле, çиçĕм пек çиçсе çухалăн…

 

Эс — Чечек, никампа танлаштараймăн.

Эс — Инçет, хăваласа та тытаймăн.

Эс — Ĕмĕт, ĕмĕтсен тĕнчи вышкайсăр.

Эс — Шанчăк, пурăнма çук, Пике, сансăр…

 

Эс, эс, эс…

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем