«Авăнать шур хурăн, авăтать куккук...»
Авăнать шур хурăн, авăтать куккук,
Эп сана саватăп, эсĕ мана — çук.
Юнашар утатпăр: иккĕн — ик çулпа,
Куккукран килет пек санпа ман шăпа.
«Хăçанччен-ши кĕтĕп?» — ыйтрăм куккукран.
Авăтмарĕ урăх... Чĕрере — суран.
Эс сивлеккĕн култăн, пăр пекех куçу,
Ах, тинех ăнлантăм: малалла çул çук.
Сурана пăхмасăр, пухрăм та вăй-хал,
Ыр сунсах ăсатрăм, култăм, султам ал.
Çĕн сукмак шырарăм пĕчченех темччен,
Вăрманпа калаçрăм çут тĕнче çинчен.
«Ман пекех вăл пурнăç, пурнăç — сĕм вăрман,
Халиччен никам та хурсăр пурăнман...»
Чăтлăхлă вăрман-мĕн чăннипех — тĕмен:
Аякра сассу сан, эс мана чĕнен.
Акшарпа та чупрăм, ашрăм шурлăхра,
Пулăшма васкатăп: эс — хăрушлăхра.
Йăлăнса тинкертĕн, куçунта — вучах,
Ман куçра — шеллев те ырату анчах.
Чăтлăхра хăвармăп йывăр чух сана,
Ăнланса çеç илччĕ: кăткăс самана.
Чир-чĕрне эп сиплĕп — чухăн мар вăрман,
Чĕрери сураншăн эмел çук халь ман.
Каярах ăнлантăн: урăх малашне
Тăр-пĕччен хăвармăн сĕм вăрман ăшне...
Авăнать шур хурăн, авăтать куккук,
Эс мана саватăн, эпĕ сана — çук.
Шухăшсем
Struggling to attract the right leads? O...
Wanting to revitalize your websit...
Watch this if you are struggling to get ...
Need a boost in website traffic? Our AI ...
Not getting enough leads for Chuvash? Ch...
Is your Chuvash website missing out on l...
Wanting to maximize your website ...
Want more targeted leads to your website...
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...