«Инди фильмĕсенчи юрăту асамне ăмсанса...»

Марина Карягина | Сăвă | 1989 | 476


Инди фильмĕсенчи юрăту асамне ăмсанса киленместĕп.

Сурхури каçĕнче Сан сăну тĕкĕрте куласса ĕненместĕп.

Юмахри паттăр пек çăлтăр куçлă та мар эс, хура йăлтăр куçлă,

Кăлкан мар-тăр çӳçӳ, сăмала пек хура çӳçлинех, тен, эп куçлăп.

 

«Юратать, юратмасть...» — таткаламăп салтак тӳмине — усси пулмĕ,

Пурăнас çеçкене тĕк тăмалăх, чĕмне вăрласа, вилĕм кӳмĕп.

Тур пӳрни, ăраскалăм пулсан, хăй килет, тет, вăл çенĕк вĕçне.

Шанчăкпа хĕмленсе эп упрап çамрăк хĕрĕн таса тивĕçне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: