Çурхи

Алексей Воробьев | Сăвă | 1957 | 376


Çур çитрĕ!

Тусăм, çитрĕ вăл,

Юр шартармасть куçа.

Тинех лăпланчĕ çил-тăвăл,

Кĕрлерĕ хĕл каçа.

Чуна йĕплерĕ, шăнтăмăр, —

Хаярччĕ хĕл сивви.

Тăм илнĕ вырăн сан та пур,

Ман пур суран çĕвви.

Хĕрӳллĕ мар-и яш ĕмĕр?

Каймарĕ вăл сая.

Пуçа усмасăр кĕтрĕмĕр

Хĕвеллĕ çĕн Мая.

Май çитрĕ.

Тусăм, çитрĕ вăл,

Пире сунать вăй-хал.

Калатпăр: тертлĕ çил-тăвăл,

Яланлăха çухал.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: