Электронлă вулавăш

Эс, çуралнă çĕршыв, тăванран та тăван, —

Тăванран уйрăлан — уйрăлмастăн санран.

Эп ăçта — çавăнта эс пыран,

Юррăмсем çук çĕрте эсĕ юрă пулан,

Пурнăç йӳçĕ пулсан — эсĕ тутлă тăван,

Эс, тăванăм, çĕршыв, тăванран та тăван.

Эс, çуралнă çĕршыв, тăванран та тăван, —

Килйышран уйрăлан — уйрăлмастăн санран.

Эп ăçта — çавăнта эс пыран,

Тăвансем çук çĕрте эс тăванăм пулан,

Çулĕ йывăр пулсан — эсĕ çăмăл тăван,

Эс, тăванăм, çĕршыв, тăванран та тăван.

Эс, çуралнă çĕршыв, тăванран та тăван,

Салтак турăн пулсан — эсĕ паттăр тăван, —

Эп ăçта — çавăнта эс пыран,

Юнăм юхрĕ пулсан — ху юнна эс паран,

Пурнăç татнă çынна çĕнĕрен çын тăван,

Эс, тăванăм, çĕршыз, тăванран та тăван.

Эс çуралнă çĕршыв, тăванран та тăван.

Çĕрпеле уйрăлсан та, уйрăлмастпăр санран,

Эп ăста — çавăнта эс — пыран,

Çăлтăрсем тӳпинче эсĕ çăлтăр пулан,

Çăлтăр çулĕ паран — пурнăç çулĕ тăван,

Эс, тăванăм, çĕршыв, тăванран та тăван.