Эх, юрлар-ха савăнса!

Çĕмĕрт çеçкийĕ шап-шурă.

Венчетре çурхи тĕнче.

Янратар-ха çĕнĕ юрă

Шăпчăк саслă уявра.

Эх, юрлар-ха савăнса

Шăпчăк пĕлмен юррине.

Чăваш юрри юхăнса

Çиттĕр тĕнче хĕррине.

Пĕринчен-пĕри илемлĕ,

Çурхи шыв юххипе тан.

Кам ăмсанмĕ, кам килеймĕ.

Юррăн вăй-халĕ ăçтан?

Чĕмпĕрьен, юрлар-ха, тăван,

Чăвашла юрлар паян.

Чăваш юрри вăл, ан вăтан,

Юрă юхтăр ян та ян!

Çĕнĕ комментари хуш