Утта вĕрентнĕшĕн каланă кĕлĕ
Çичĕ уйăхран утти пултăр,
утăн юртти пултăр.
Эпи пехилĕнчен.
Çичĕ уйăхран паян кунччен
утатăп, утатăп, утатăп,
ăçталла каятăп?
Çичĕ уйăхран паян кунччен
çĕре таптатăп,
кашни утăм тĕрекĕшĕн
çĕре хытаратăп.
Çынсем çав çĕре
сухаласа кăпкалатаççĕ,
юлашкинчен
сĕтел çине çăкăр пĕçерсе лартаççĕ.
Кашни утăм тĕрекĕшĕн
икĕ ура вырăнлăх çĕре
кăпкалатмасассăн,
аннеçĕм, уру йĕррисене
малалла тăсмасассăн
эсĕ мана хăвăнпа пĕрлех
илсе кайнă тесе шутла,
кукаçирен ӳкерсе юлнă йĕрӳ
вĕçленчĕ тесе шутла.
Анчах та эпĕ пурăнатăп-ха,
пурăннă чухне
çав-çавах утатăп,
çĕре çемçетсе
хам хыçри çынсем валли
кăпăш çĕр хатĕрлесшĕн,
йĕрĕме ӳкерме
ывăл-хĕр ӳстересшĕн.
Утатăп, утатăп, утатăп,
ăçталла васкатăп?
Ырлăхалла-ши, хурлăхалла-ши,
пурлăхалла-ши, шурлăхалла-ши?
Ан пăлхан, аннеçĕм.
ăçта çитсен те
тип çĕр çинех тухатăп,
ура тĕрекĕ тупатăп.
Ан пăлхан, аннеçĕм.
Пурнăç тумхахăнчен такăннă уру
тек ан суртăр,
канлĕ пултăр.
26.06.1977.
Шухăшсем
Boost your Chuvash website’s traffic wit...
Attract more leads for your chuvash...
Ready to drive targeted visitors to your...
Повысьте эффективность своего производс...
Is low website traffic holding you back?...
Struggling to get the right visitors to ...
Struggling to get targeted leads to your...
Лазерный уровень легко помещается в су...
Повысьте эффективность своего производс...
Лазерный уровень легко помещается в су...