Ах, аннеçĕм, анне...

Анатолий Ырьят | Сăвă | анне | 615


Ывăнсан вăй хушать, чирлесен сыватать

«Анне» тенĕ сăмах, «анне» тенĕ ăнлав.

Ăнланса тупăшать, хумсем пек чул ватать,

Унпа çеç туртăнать пурнăçри тулли лав...

Ах, аннеçĕм, анне — шăнкăрав-шыв юххи,

Инкекрен çăлакан, таса чун-юрату.

Ах, аннеçĕм, анне — юрă-кĕвĕ пуххи,

Вĕсенче пурăнать çут сăну, сан яту.

Эс çуратнă пире, эс пилленĕ пире

Çĕр çинче ырă çын, аслă çын çеç пулма.

Эс вĕрентнĕ пире пуç тайма каç-ире,

Юрлама, ташлама, ахăлтатса кулма...

Тухăçа хĕретсе çĕне кун пуçланать,

Çĕне кун вăл — анне, çĕнĕ чун çуратать.

Таврана ăшăтса сар хĕвел хăпарать,

Сар хĕвел вăл — анне, ачашлать, юратать....

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: