«Куян Якурккипе Шăрчăк Мĕкĕтине...»

Виталий Станьял | Сăвă | 404


Куян Якурккипе Шăрчăк Мĕкĕтине

Спиркка Муççи пĕрер курка тыттарнă...

Тĕнче симне те пурнăç сĕлтине

Вĕсем пире пиелесе хăварнă!

 

Паллах, вĕсем асилнĕ Кокеле,

Леш вĕсемпе калаçнă питĕ сапăр...

Кудрявцева та пуç таяс килет...

Тăпри çине, тăванăмсем, шыв сапăр!

 

Çитсе çӳрерĕм эп вĕсен çĕрне,

Тем, ытлашши хисеп тусах каймастпăр...

Юратмасассăн хамăр пĕр-пĕрне

Ытти этем те юратсах каймасть-тăр?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: