Кам тăрантарать пире?

— Артистка пек илемлĕ,

Япшар, çемçе чĕлхеллĕ,

Ӳт-пĕвĕпе кĕрнеклĕ,

Çи-пуçĕпе типтерлĕ...

Пĕлмен çав ун чухне

Пике миçерине.

Чĕрçи çине ларатчĕ,

Хĕрӳллĕн чуп тăватчĕ,

Чĕре вут пек çунатчĕ,

Ăс-тăнăм пăтранатчĕ...

Пĕлмен çав ун чухне

Хама мĕн кĕтнине.

Савниçĕм тĕлĕнтерчĕ,

Кĕтмен çĕртен пĕлтерчĕ:

— Эп йывăр çын вĕт, — терĕ,

Качча илме хистерĕ:

— Атту сана анне

Лартасшăн тĕрмене.

Сасси те хăйлăк-хайлăк,

Утти те тăйлăк-тайлăк,

Пит-куçĕ лутăрканнă,

Ӳт-пĕвĕ хулăнланнă...

Манран хурав кĕтет:

— Шкула каймастăп, — тет.

Эп хам та вĕренетĕп,

Айăплине сисетĕп.

Вăйпа авлантарсассăн

Пуласлăх çук вĕт маншăн.

Тата... виçсĕмĕре

Кам тăрантать пире?

Çĕнĕ комментари хуш