Чун

Анатолий Ырьят | Сăвă | 390


Çуралнă чун пурăнать

Пылпа çу çимесен те.

Тен, ăнмасть çул, тен, ăнать? —

Пĕлекенĕ çук пĕри те...

Пур пĕрех пурăнать вăл, чун.

 

Пылпа çу ăшĕнче те

Чун хăратъ иккен хăш чух.

Шывпа çăкăр çисен те

Пылланать вăл чăрсăр, шух.

Пур пĕрех пурăнать вăл, чун.

 

Вилчĕ çын. Хуйхăратпăр,

Хĕрех кунччен хăратпăр,

Чунне вĕçĕм мухтатпăр,

Çуртасем те çутатпăр...

Пур пĕрех пурăнать вăл, чун.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: