«Сывă пул» тесе ална ан пар...

Георгий Ефимов | Сăвă | 292


«Сывă пул» тесе ална ан пар,

Питĕ йывăр маншăн çав сăмах.

Ху манпа пулсан та юнашар

Туйăнать таçта эс кайнăнах,

Ĕмĕрлĕх манран уйрăлнăнах.

 

«Ыранччен», «Тепре курнăçиччен»

Е тата «Тепре тĕл пуличчен»

Теме майĕ пур, чĕлхе — пуян.

Çавăнпа мана эс ăсатсан

Курнăçмашкăн шанчăк пур ыран.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: