« Ыйхă вĕçсе кайсан пачах...»

Виталий Станьял | Сăвă | 1999 | 573


Галина Воронцова тухтăра,

çуралнă кун тĕлне

 

Ыйхă вĕçсе кайсан пачах

Ăш-чик вăркамăш.

Йĕрет те пĕчĕкçĕ ача —

Йĕрет-çке амăш.

 

Пусса илет-и пӳтсĕр чир

Е леш амакĕ,

Вĕтеленетпĕр каç та ир

Мур тытамакĕн...

 

Кама аса илетпĕр-ха

Нуша çапсассăн?

Кама чĕнет-ха упăшка

Савни хушсассăн?

 

Хĕрарăм çăлăнăçĕ Эс,

Чун шурăмпуçĕ!

Сана савать тăван кĕтес

Савать кил пуçĕ.

 

Саватпăр эпĕр те сана

Сăваплă Тухтăр.

Санран илсе ăса-тăна

Пин тухтăр тухтăр.

 

Сып-сывă ачапа кăна

Тĕнче кĕрлетĕр.

Турамăшĕ тесе сăнна

Чăваш ӳкертĕр.

 

1999, ака, 1

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: