Çĕнĕ çул çумăрĕ

Анатолий Ырьят | Сăвă | Çĕнĕ çул | çумăр | 437


Мерчен евер çумăрĕ çăватъ,

Ах, илемлĕ, куçăма пăвать!

Çĕнĕ Çул çумăрĕн илемне,

Парнелейп, тăвансем, сире.

 

Çутăр çумăр, çутăр çумăр,

Мерчен çумăр ĕмĕрех.

Çĕн Çул тĕсĕ — хĕрлĕ, хăмăр...

Мерчен тĕсĕ чĕрĕрех.

 

Çутăр мерчен, çутăр ĕмĕрех,

Юррине те кĕвелеп эпех.

Тăвансемĕр, сире юратса,

Юр юрлатăп чуна шăратса.

 

Пурăнар-ха Çĕр çинче пĕрле,

Пурнăçĕ те пирĕншĕн пĕрре.

Çĕнĕ Çул çумăрĕн мерченне

Парнелер-ха ăшшăн пĕр-пĕрне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: