Ман Алина, Ел пики…
Асамат кĕперĕн
тĕрлĕ-тĕрлĕ пурçăнне
укаланă, тĕрĕленĕ улăхра
чи чипер чечек тупас-ха терĕм те,
чи чипер чечек татас-ха терĕм те…
тупрăм та куклентĕм ал тăсса,
тăп итлетĕп чĕтрекен сасса:
«Эп Алина, Ел пики – Элпи,
сан аллунтанах халь вилĕп-и?»
Татма тăснă аллăм
ачашларĕ чечеке,
татма тăснă аллăм
ытамларĕ чечеке.
Тенкĕллĕ-теветлĕ çут тухйи
çиçсе илчĕ-çке,
çийĕнчех чĕлхем вĕçне
сăмах килчĕ-çке:
«Çакăнта сана татса
чунсăр пулăп-и,
ман Алина, Ел пики,
чĕлтĕрти Элпи».
Тĕрлĕ-тĕрлĕ хура сĕмлĕ
çил-тăманлă каç
инçетри çула тухас-ха терĕм те,
хам çитес çĕре çитес-ха терĕм те…
çитес тенĕ çул çинчех
çĕтсе кайрăм эп,
кĕрт çинче аша-аша
шăнса хытрăм эп.
Çавăн чух, ĕненĕр, чăнласах
илтĕнет каллех палланă сас:
«Эп Алина…
Ел пики…
Элпи…»
Шăнса хытнă аллăм
ачашларĕ чечеке,
шăнса хытнă аллăм
ытамларĕ чечеке.
Шăм-шака каллех манне
ăшă çапрĕ-çке,
тепĕр хут хăвăртланса
чĕрем тапрĕ-çке.
Ман Алина, Ел пики,
кăвар пек Элпи,
сана эпĕ улăхра
татса илĕп-и?
18.06.1976.
Шухăшсем
Boost your Chuvash website’s traffic wit...
Attract more leads for your chuvash...
Ready to drive targeted visitors to your...
Повысьте эффективность своего производс...
Is low website traffic holding you back?...
Struggling to get the right visitors to ...
Struggling to get targeted leads to your...
Лазерный уровень легко помещается в су...
Повысьте эффективность своего производс...
Лазерный уровень легко помещается в су...