«Сан куллу, сан утту...»

Любовь Шашкина | Сăвă | 289


Сан куллу, сан утту

Куçăм умĕнчех.

Сан кăвар пек туту

Ман тута çинчех.

 

Сан вĕри сăмахсем

Манăн чĕрере.

Эсĕ хăв аякра,

Эсĕ — инçетре.

 

Халь ăçти çĕрсене,

Кăйкăрăм, вĕçен?

Утмаçулăм çине

Ан шăтсам, пиçен.

 

Ман чĕре сассине

Эсĕ илтес çук.

Çуркунне каялла

Таврăнассăм çук.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем