«Айван, ытла та эп айван...»

Любовь Шашкина | Сăвă | 426


Айван, ытла та эп айван.

Урăххипе улăштарас-ши терĕм

Сан çутă сăнарна паян?

Сана манаймасса пĕлмерĕм.

 

Чăнах, пулмарĕ манасси.

Урăххипе калаçрăм эпĕ,

Анчах янрать те ун сасси,

Эп ăна мар — Сана илтетĕп.

 

Ак урăххи пăхать куçран.

Анчах епле-ха Сана манăн?

Вăл мар – пĕр Эс кăна ялан

Ман çинелле савса пăхатăн.

 

Яту та Санăн хитререх,

Чĕлхе çинчен вĕçерĕнесшĕн.

Сана манаймăп ахăртнех,

Анчах мана Эс асилен-ши?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем