«Тахçанах ума хуманччĕ...»

Любовь Шашкина | Сăвă | 386


Тахçанах ума хуманччĕ

Эпĕ хут та кăранташ.

Тахçанах умра çунманччĕ

Сар çурта — каçхи юлташ.

 

Юлашки хут уйрăлсассăн

Ĕмĕр иртрĕ пулмалла.

Эс манма пĕлен пулсассăн

Мĕншĕн ман астумалла?

 

Асилсе сана çӳрерĕм,

Сан хура куçусене.

Эх, çунтарăттăм пĕрерĕн

Çав айван шухăшсене.

 

Çук, сывламăп эпĕ ассăн,

Сăнаса çурта вутне.

Маншăн йĕтĕр вăл пăр сассăр,

Юхтарса сар куççульне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем